आनंदाचं गाव येवती..
आनंदाचं गाव येवती..
काळजात कोरलेलं नाव येवती...
कित्येक वर्षे जपलेला...
महादबा मिस्त्रीची धाव येवती...
उद्यमनगराचा जीव येवती...
कोल्हापूरची गुजरी येवती...
सोन्याहूनही साजरी येवती...
महादेवाची पिंड येवती..
खिलार नंदीचं वशिंड येवती...
अंबाबाईची माया येवती...
माणुसकीची छाया येवती...
सीमेवरचा सैनिक येवती...
रत्नांमधलं माणिक येवती...
सैनिकांच्या आठवणींचा पीळ येवती...
वडाचा माळ आणि खडीच्या वनकुरणातली शीळ येवती..
गोकुळचं दूध येवती...
मसुदीतला उद येवती...
पिराचा संदिल येवती..
शिवबाचा मंदिल येवती...
शिवरातली हाक येवती...
करवीर तालुक्याचं नाक येवती...
शिवरायांचा विचार येवती...
शाहू राजांचा जयजयकार येवती...
झान्जांची झाल येवती...
ढोलाचा ताल येवती...
मर्दानी खेळ येवती...
दुधा इतकीच निर्भेळ येवती..
कुस्तीची परंपरा येवती..
सपत्यातला गोळमाट गरा येवती...
शंभर वर्षांची शाळा येवती....
अनमोल सुवर्ण माळा येवती...
पचमी तला फेर येवती...
गौरी तला माहेरवाशीणींचा घेर येवती...
कोल्हापूर ची शान येवती...
आमचा अभिमान ...प्राण येवती...
प्रा.सागर मा.कांबळे...
No comments:
Post a Comment